الكلام كلامنا المنتدي الأول لشباب قرية الهياتم

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى قرية الهياتم
سنتشرف بتسجيلك
شكرا
ادارة المنتدي
الكلام كلامنا المنتدي الأول لشباب قرية الهياتم

مرحبا بك يا {زائر}.


    [color=red]خليتها خل خليتها خل خليتها خل خليتها خل خليتها خل [/color]

    شاطر
    avatar
    مصطفي كامل
    عضو ماسى
    عضو ماسى

    تاريخ التسجيل : 30/06/2009
    عدد المساهمات : 503
    العمر : 34
    الجنس : ذكر

    xc [color=red]خليتها خل خليتها خل خليتها خل خليتها خل خليتها خل [/color]

    مُساهمة من طرف مصطفي كامل في الأحد سبتمبر 27, 2009 8:45 am

    اكتر كلمه كانت امى
    الله يخليهالى ..بتقولهالى لما
    كنت بعمل مصيبه او اعمل
    جريمه كبيره وانا صغير او حتى
    وانا زي الشحط كده وكبير,,كانت
    امى على طول بعد العلقه


    او ف وسط العلقه ..تناديلي وتقولى..انت "خليتها خل" خالص..طبعا مكنتش اعرف معناها ... بس قلت اكيد يعنى ..قصدها اني بوظت الدنيا... زى الخل يعنى..علي اساس ان الخل بيبوظ الاكل وكده

    ولما كبرت وبدأت اوعى للدنيا..مكنتش راضى انى اعدى الكلمات والمفاهيم المؤرخه دى من امى... فكنت لازم اعرف ايه معاناها.. استنهزت ساعه صفه بيني وبين امى..وده من النادر حدوثه....طبعا... وحبيت اعرف منها ...يعني ايه ياامى...معنى كلمه خليتها خل.....اللى كنت بتقوليهالى وانا بنضرب... او وانا واصل البيت الفجر متأخر...او حتى وانتى بتصحينى بدرى من بعد العصر..ولا وقت لما كنتى بتقفشيني بكلم البت جارتنا فوق السطوح وانا عامل نفسى بذاكر يعنى
    كان رد امى ليا ..دبلوماسى فحت..قالتلى ..لما كنت بحس انك عملت خطأ كبير..او خرجت عن النص ف عادتنا او تقاليدنا...كنت بحس انك عملت جريمه كبيره..فكنت بدون ماأشعر الاقنى ..عماله اموت فيك ضرب...واصرخ من زهقى ...وانا بقولك ..انت خليتها خل

    فهمت كلام امى...وفهمت كمان قصدها.. وعرفت ليه..كانت بتقولى الكلمه دى بالذات وبتشدد عليها... وف يوم ..من ذوات الاربع اقصد من ذوات الايام....حسيت بضيق شديد من بعض الافعال اللي لقيتها بتحصل حواليا.... احباطات..سلبيات...زحمه... رخامه...تسلط ..حاجه قرف..هقول لمين ولا لمين ..انت خليتها خل

    هقول لنفسى اولا:- انت ياسى بتاع ياللى اسمك سيد.. ايه اللي خلاك تتنيل وترجع تشرب شيشه تانى بعد مخدت قرار انك تبعد عنها...خليك راجل بقى ... وخد قرار للنهايه وخليك قده..انت خليتها خل

    هقول لأهل المغنى والطرب:- المغنيين خلاص بقوا اكتر من السميعه... الموضوع مبقاش موضوع فن ولا صوت فيه طرب..الموضوع خلاص مبقاش اكتر من شعر مكوى علي سلسله وكم موذه ف الهلاهوزه..الموضوع خلاص خرج من ايدى..انتوا خليتوها خل

    هقول لأصحاب الشقق او حتى اصحاب العشش:- اتقوا الله ف الشباب... لو مسكنا الخيط من اوله...هنلاقى انكوا السبب الرئيسى ف جرايم التحرش والاغتصاب وتأخر الزواج وبير السلم..بسبب غلو الأسعاروخلو الرجل...هنجيب منين ياجدعان.. حتى السرقه..مش لايقين حد نسرقه...المجاعه وصلت للفيران ف جحورها...انتوا خليتوها خل

    هقول لشيوخنا الموقرين اللى طول اليوم ع الفضائيات:- كفايه فتاوى ف الهجايس.. مش عشان اظهر وطلع ف التلفزيون..يبقى اتكلم ف اي بتنجان... احنا مسئولين منكوا .. ولا هو الموضوع بقى بري بى ..يعني بليله رز بلبن... انتوا كده خليوتها خل

    هقول للدراويش والمهابيل ف الموالد :- مع كامل احترامى لكل العارفين بالله وكل الصالحين وكل الشويخ وكل العلماء ف الدين اللى تركوا عالمنا الحالى وانتقلو الي الرفيق الاعلى.. حيث جنه الخلد ان شاء الله.... منعرفش ف الاسلام حد اسمه الشيخ عرفان عشان نعمله مولد..مش كل واحد صللى ركعتين ف مسجد ومسك سبحه ومات ..نعمله مولد..ونقضيها زار وتفقير ..وتواشيح..واحب اقولكوا... انتوا بجد خليتهوا خل

    معتقدش انى لو فضلت اكتب ..اني هخلص من انى اقول" خليتها خل"... بس انا هكتفى لحد كده.. وصدقنى لو لقيت حد يستاهل ...ممكن اعمل مقال تاني .. اسميه "خليتها محشى ".... تفتكر انت بقى... تقول لمين ...انت خليتها خل

      الوقت/التاريخ الآن هو الخميس نوفمبر 23, 2017 1:04 pm