الكلام كلامنا المنتدي الأول لشباب قرية الهياتم

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى قرية الهياتم
سنتشرف بتسجيلك
شكرا
ادارة المنتدي
الكلام كلامنا المنتدي الأول لشباب قرية الهياتم

مرحبا بك يا {زائر}.


    [size=24]بحبك يا حمار[/size]

    شاطر
    avatar
    مصطفي كامل
    عضو ماسى
    عضو ماسى

    تاريخ التسجيل : 30/06/2009
    عدد المساهمات : 503
    العمر : 34
    الجنس : ذكر

    [size=24]بحبك يا حمار[/size]

    مُساهمة من طرف مصطفي كامل في الإثنين سبتمبر 28, 2009 7:36 am

    كل ما أسمع أغنية بحبك يا حمار أستغرب بجد .. وأقول هو الراجل اللى كتب الأغنية دى عبيط ولا ايه ... سيبك من سعد هو كده كده بيغنى أى حاجة وخلاص ما دام فيها طبلة وهئ ومئ .. لكن اللى ألف أغنية زى دى كان بجد هو اللى محيرنى وأقول يا رب ازاى جت ف دماغه حاجة زى كده .. وفضلت مش فاهم ايه السبب أو المبرر أو الداعى لتأليف أغنية زى دى الا لما قريت الخبر ده "جزار يذبح الحميرالمريضة ويبيعها لحوم مفرومة لمحلات الماكولات الشعبية" قولت أكيد كان المؤلف ضارب اتنين شاورمة حمايرى هو وسعد وكانو متكيفين .. فنزل الوحل على المؤلف وفضل يدى لسعد الكلام اللى أعجب بيه جدا وقرر انه ينهقه ف فيلمه الجديد ومن هنا طلعت أغنية بحبك يا حمار لما قولت لأصحابى ع الخبر لقيتهم متضايقين أوى وعمالين يسبو ويلعنوا ف حسحس وجيمى والحكومة واليوم اللى اتولدو فيه ف البلد دى .. أنا مش فاهم هما ليه متضايقين يعنى ؟؟؟ طب ما احنا كلنا قبل كده لحمة كلاب ولا القطط .. يا عينى ملهاش حل .. بس بجد بجد الواحد مداقش أحلى من لحمة الفيران اللى كانت بتتفرم مع اللانشون ف العاشر من رمضان .. يااااااااااااه ذكريات ... لدرجة ان كان لينا جارنا كده صوته جهورى أوى وطخين ودايما نتضايق من صوته لكن من كتر أكل لانشون الفيران صوته سرسع وبقى أحسن بكتير ... الله يرحمه بقى أهو جاله تسمم بس محدش يعرف من ايه .. تلاقى ديل فار وقف ف زوره ولا حاجة . وبعدين احنا بصراحة بنستهبل يعنى ... يبقى الرغيف مليان لحمة ميقلش وزنه عن ربع كيلو لحمة ريحتها جايبة لآخر الشارع وتلاقيه بجنيه ونص .. اذا كان كيلو اللحمة بحاجة واربعين جنيه قول 50 بعد الضرايب والمستنقعات ... يبقى متخيل ان اللحمة اللى موجودة جوه الرغيف دى ايه يعنى .. متعملش فيها عبده العبيط بقى .

    وبعدين بفرض ان انتا عبده العبيط فعلا ومكنتش تعرف ...متتضايقش بقى وتفضل تتشنج وحاول متبصلهاش من زاوية ضيقة ... وتفضل تشتم وتلعن وتكره حياتك .. ليه بس ما احنا ممكن يبقالنا نظرة تانية ف الموضوع ده أكثر تفاؤلا ... جه جنون البقر من فترة اديناها فراخ .. جت انفلوانزا الطيور اديناها لحمة كلاب .. الكلاب جالها سعار اديناها قطط فقستهم الصحافة روحنا اديناها حمير ربنا كبير يا جدعان بيقطع من هنا وبيوصل من هنا وكلما ضاقت حلقاتها فرجت فالناس متقلقش يعنى وبعدين استنوا كده بكره ع التليفزيون المصرى هتلاقى طلعلك دكتور بيطرى عمولة كده يقولك على فوايد أكل الحمير ايه وأهميته للمعدة المصرية ... وازاى بيقوى جهاز المناعة والجهاز الهضمى ويقوى الحنجرة وانه ثبت علميا ان الحمير بتشفى من 25 مرض مزمن وبعدين الناس اللى بتشتم ف الحكومة دى انتوا المفروض تبوسوا ايديها وش وضهر مدعمالكم كل حاجة ف البلد دقيق ورز ولحمة وخضار عايزين ايه تانى مش فاهم منزلالكم كذا نوع لحمة مش نوع واحد لحوم جمال تلاقى ولحوم عندها جنون بقر تلاقى ولحوم كلاب تلاقى قطط تلاقى حمير تلاقى حصنة تلاقى فيران تلاقى .. يعنى بالصلا ع النبى تشكيلة

      الوقت/التاريخ الآن هو الخميس نوفمبر 23, 2017 1:05 pm