الكلام كلامنا المنتدي الأول لشباب قرية الهياتم

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى قرية الهياتم
سنتشرف بتسجيلك
شكرا
ادارة المنتدي
الكلام كلامنا المنتدي الأول لشباب قرية الهياتم

مرحبا بك يا {زائر}.


    لماذا يخافون الشباب من الزواج؟؟؟؟؟؟؟

    شاطر
    avatar
    رؤى الروح
    عضو ماسى
    عضو ماسى

    تاريخ التسجيل : 16/09/2009
    عدد المساهمات : 372
    العمر : 29
    الجنس : انثى

    ht لماذا يخافون الشباب من الزواج؟؟؟؟؟؟؟

    مُساهمة من طرف رؤى الروح في الأربعاء أكتوبر 07, 2009 9:02 pm

    بسم الله الرحمن الرحيم

    السلام عليكم ورحمة الله وبركاته


    يعيش معظم الرجال في هاجس قد يلازمهم طوال حياتهم، هل أتزوج الآن؟ هل أنا مستعد لتحمل مسؤوليات الزواج؟ هل بإمكاني أن أكون أسرة سعيدة ؟!
    بالإضافة إلى تضارب العديد من الآراء والأفكار المستقاة من تجارب الآخرين في أذهانهم التي تجعلهم أما يقدمون على خطوة الزواج، أو يرفضونها إلى الأبد.
    إليكم 10 أسباب توصل إليها الخبراء، تدفع الرجال للابتعاد عن الزواج:
    1. الشعور بأنه حكم مؤبد بالزواج لمدى الحياة.
    2. التخلي عن فكرة أنه جذاب لكل نساء الأرض، وبأنه يستطيع التحدث والخروج مع أي فتاة في أي وقت.
    3. الخوف من أن يقابل امرأة أخرى، تجعله يقول: "ماذا لو لم أكن متزوجا!".
    4. الطلاق، بعد تكبد كل هذا العناء، قد ينتهي زواجي بالانفصال.
    5. أن يصبح مثل والديه. يخاف الرجل أن يشبه أباه، ويبقى السؤال "هل أنا نسخة منه؟".
    6. التخلي عن سلطات المرح، والتحكم، والحرية المطلقة، والخضوع لقوانين شركة الزواج المبنية على التفاوض، والنقاش، والاستسلام أحيانا.
    7. الانضمام إلى حزب الأزواج المتعاونين، والمتآخين، والتخلي عن عضوية الشاب الأعزب.
    8. العيش ضمن روتين الأسرة.
    9. الاستسلام لآراء الزوجة وتحمل تعليقات مثل، ما هذا القميص؟ ما أين لك هذا الحذاء؟ من أين اشتريت هذه البدلة؟ أنت بحاجة لإعادة تأهيل على الموضة.
    10. العيش في اجواء لا ثاني لها .. والزوجة لها الحق الوحيد بسماع كلامك المعسول.

    والموضوع لن يكمل الا بالحديث والنقاش

    avatar
    رشا
    عضو مميز
    عضو مميز

    تاريخ التسجيل : 13/10/2009
    عدد المساهمات : 76
    العمر : 30
    الجنس : انثى

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف رشا في الأربعاء أكتوبر 14, 2009 7:44 am

    لازم يخافوا طبعا من اشكالنا ههههههههه
    بس من وجهه نظري ان مش خوف بس هي مشاكل الحياة كلها كده مشاكل اقتصادية ونفسية ومالية وكل حاجه
    avatar
    حبيب الروح
    عضو ماسى
    عضو ماسى

    تاريخ التسجيل : 30/09/2009
    عدد المساهمات : 522
    العمر : 22
    اوسمه : 6
    الجنس : انثى

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف حبيب الروح في الأربعاء أكتوبر 14, 2009 1:11 pm

    موضوع جميل اوى يا رؤى الروح
    بس يا ريت الشباب يدخلو يجاوبونا على السؤال ده

    لماذا يخافون الشباب من الزواج؟؟؟؟؟؟؟

    dr muhamad elassal
    عضو نشيط
    عضو نشيط

    تاريخ التسجيل : 11/10/2009
    عدد المساهمات : 40
    الجنس : ذكر

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف dr muhamad elassal في الأربعاء أكتوبر 14, 2009 10:19 pm

    الموضوع مش موضوع خوف ........ اكتر سبب هو عدم القدره على الزواج
    avatar
    رؤى الروح
    عضو ماسى
    عضو ماسى

    تاريخ التسجيل : 16/09/2009
    عدد المساهمات : 372
    العمر : 29
    الجنس : انثى

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف رؤى الروح في الخميس أكتوبر 15, 2009 6:58 pm

    مرسى ليكم نورتوا التوبيك
    avatar
    مصطفي كامل
    عضو ماسى
    عضو ماسى

    تاريخ التسجيل : 30/06/2009
    عدد المساهمات : 503
    العمر : 35
    الجنس : ذكر

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف مصطفي كامل في الأحد أكتوبر 18, 2009 7:18 am

    احب اشكرك اولا

    ثانيا من وجهة نظري المتواضعة ان الجواز قسمة ونصيب دي اول حاجه

    ثالثا: مشاكل الجواز كتيرة جداً وتأثيرها بيعود علي الشباب والبنات وبيأدي للعنوسة

    رابعا:مشاكل الشباب في التكلفة الزوجية بتأدي لعدم اخذ القرار بالزواج

    خامسأ: مغالاة كل شئ في الحياة اذا كانت اقتصادية او مالية

    سادسا: حاله نفسية


    سابعا: مغالاة اهل العروسة ( عايزة شبكه زي بنت فلان وعايزة وعايزة ) طيب الناس هتجيب منين

    ثامنا: ودي اهم حاجه كل الناس بتبص علي بعض وكل واحد عايز يجوز ابنه ولا بنته يبص للناس محدش مقتنع باللي هو فيه

    تأسعا: الاسلام هو الحل
    avatar
    أبو فارس
    عضو ماسى
    عضو ماسى

    تاريخ التسجيل : 28/01/2009
    عدد المساهمات : 125
    اوسمه : 9
    الجنس : ذكر

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف أبو فارس في الأحد أكتوبر 18, 2009 1:28 pm

    أولاً أسمح لنفسي إني أرد على هذا الموضوع بالأصالة عن نفسي وعن كل الشباب اللي زي ومن سني

    أولاً إحنا على فكرة مش خايفين من الزواج إطلاقاً ومفيش أي خوف بالنسبة للشباب واعتقد بالنسبة للفتيات بردة إلا من الليلة الأولى فقط من الزواج من رهبة وقلق يعني لما يتعودم وياخدم على بعض بس وكل فرد يعرف مسئولياته والمطلوب منه.

    ثانياً إذا كان هناك خوف فهي مشكلة وحيدة فقط وتصادف أي شاب وهي مشكلة مادية مثل إيجاد مصدر رزق (وظيفة محترمة) يستطيع أن يوفي ويوفر تكاليف الزواج من مسكن (عش الزوجية) وتوفير مصاريف الخطوبة والمواسم والهدايا وحفل الزفاف وغيرها ........

    يعني خلاصة القول المشكلة مشكلة مادية فقط

    دا طبعاً بالنسبة للانسان البالغ العاقل الرشيد

    أما بالنسبة للغير مثل (المعاقيين ذهنياً أو جسدياً)إحنا مش في الموضوع ده دلوقتي

    وأحب أوجه نفس السؤال ده للفتيات

    هل تخافون من الزواج ؟!!!
    avatar
    حبيب الروح
    عضو ماسى
    عضو ماسى

    تاريخ التسجيل : 30/09/2009
    عدد المساهمات : 522
    العمر : 22
    اوسمه : 6
    الجنس : انثى

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف حبيب الروح في الإثنين أكتوبر 26, 2009 1:15 pm

    ردك عجبنى اوى يا استاذ مصطفى
    avatar
    مجدي البرادعي
    عضو مميز
    عضو مميز

    تاريخ التسجيل : 08/08/2009
    عدد المساهمات : 79
    العمر : 41
    الجنس : ذكر

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف مجدي البرادعي في الإثنين أكتوبر 26, 2009 4:43 pm

    مع احترامى للخبراء اللى توصلوا لتك النتائج
    بس المشكله اقتصاديه بحته بالنسبه للشباب فى مصر عموما
    avatar
    رؤى الروح
    عضو ماسى
    عضو ماسى

    تاريخ التسجيل : 16/09/2009
    عدد المساهمات : 372
    العمر : 29
    الجنس : انثى

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف رؤى الروح في الإثنين أكتوبر 26, 2009 8:25 pm

    مرسى ابو فارس وشكرا للاستاذ مجدى بس كمان ابو فارس يوجة السوال للفتيات وبعدين حسيت ان ردك فية نرفزة لية كدة
    avatar
    مصطفي كامل
    عضو ماسى
    عضو ماسى

    تاريخ التسجيل : 30/06/2009
    عدد المساهمات : 503
    العمر : 35
    الجنس : ذكر

    ht رد: لماذا يخافون الشباب من الزواج؟؟؟؟؟؟؟

    مُساهمة من طرف مصطفي كامل في الأربعاء أكتوبر 28, 2009 12:22 pm

    والله ياجماعة انا ليا رأي تاني

    اولها اننا كبشر معتش عندنا ثقة في أنفسنا

    كل واحد فينا عايز يوصل للحلم بسرعة معظم التفكير بتاعنا تافه

    اي نعم مصر فيها مشاكل بس احنا اللي بنعمل المشاكل دي محدش فينا بيفكر في اي شئ خالص حتى ممكن ما يقدرش يخطط لنفسه هو عايز ايه هو شايف موضوع

    الجواز حاجه صعبة ولازم تسافر وتقعد خمس ست سنين وبعد كده تتجوز وتبقى

    تختار براحتك والف واحدة ساعتها هتقول نعم انا مش هقول التكلفة الزوجية

    صعبة لان هو كده فعلا اما نيجي نتكلم علي الجواز نتكلم عن شقة عن عفش بيت

    عن مصاريف اسرة كاملة عن حاجات كتير طبعا انا مش بقلل من حجم المشكلة

    ناحية البنت برده عشان نبقى في الصورة برده كل بنت برده بتتمنى زيها زي

    غيرها من اصحابها وعايزه زيها بنت عمها ولا بنت خالتها طيب مثلا هي ظروفها

    المادية ما تسمحش تجيب زي الناس التانية طيب هتعمل ايه هينكسر قلبها

    ياعني ابوها أو امها محدش فيهم يرضى بكده اقولكم ليه عشان احنا مش

    بنتعامل مع بعض معاملة الاسلام وكل واحد فينا بيمشي علي قد حاله لا كلنا

    لازم نقلد بعض حتى لو في الغلط طيب انا معاييش ايه اللي يخليني استلف

    واجيب زي بنت فلان ولا ابن فلان كل ده عشان كلام الناس الموضوع اكبر من كده

    بكتير الموضوع كله يرجع إلى عدة نقاط

    الناس لازم تعرف ان ربنا خلق الدنيا طبقات يا أما ما كنش في غني وفقير

    كلام الناس اللي احنا بنسمعة ولا كأنه مذكور في القرآن

    القناعة اللي مش موجودة

    القسمة والنصيب اللي خلصت خلاص من الزمن اللي احنا عايشينه

    احلام الراجل والبنت اللي مالهاش حدود كله عايز يجيب السلم من اخرة

    الرضاوده اهم شئ الرضا طبعا كلنا محدش راضي باللي هو فيه

    طبعا الظروف المادية اللي هي العامل الرئيسي في الموضوع صح

    طيب ما أنا ممكن أسال سؤال ما في ناس كتير اغنية ومتجوزين وبيطلقوا

    بسرعة جدا وتتجوز مرة واتنن وتلاته طيب دي مشكلتها ايه

    والله الجماعة المشكلة ان احنا نرضى بالآمر الواقع وكل واحد يعيش عيشة

    ويحمد ربنا علي اللي هو فيه ويرضى بحاله ويقول الحمد لله ويعرف ان لو

    الناس بصت لبعضيها يبقى ما فيش حد هيروح ولا هيجي

    وشكرا للجميع علي المشاركة الجميلة

      الوقت/التاريخ الآن هو الأحد أبريل 22, 2018 2:17 pm