الكلام كلامنا المنتدي الأول لشباب قرية الهياتم

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى قرية الهياتم
سنتشرف بتسجيلك
شكرا
ادارة المنتدي
الكلام كلامنا المنتدي الأول لشباب قرية الهياتم

مرحبا بك يا {زائر}.


    يامنه.............. رائعه الابنودي

    شاطر
    avatar
    glory13
    عضو ماسى
    عضو ماسى

    تاريخ التسجيل : 13/09/2008
    عدد المساهمات : 291
    العمر : 30
    اوسمه : 11
    الجنس : ذكر

    يامنه.............. رائعه الابنودي

    مُساهمة من طرف glory13 في الخميس أكتوبر 09, 2008 2:32 am

    يامنه
    والله وشبت يا عبد الرُّحمان ..
    عجّزت يا واد .؟
    مُسْرَعْ؟
    ميتى وكيف؟
    عاد اللي يعجّز في بلاده
    غير اللي يعجز ضيف.!!
    هلكوك النسوان؟
    شفتك مرة في التلفزيون
    ومرة .. وروني صورتك في الجورنان
    قلت : كبر عبد الرحمان.!!
    أمال انا على كده مت بقى لي ميت حول.!!
    والله خايفة يا وليدي القعدة لتطول.
    مات الشيخ محمود
    وماتت فاطنة ابْ قنديل
    واتباع كرم ابْ غبّان
    وانا لسة حية..
    وباين حاحيا كمان وكمان.
    عشت كتير.
    عشت لحد ماشفتك عجّزت يا عبد الرحمان.
    وقالولي قال خَلَّفت
    وانت عجوز خلَّفت يا اخوي؟؟
    وبنات..!!؟
    أمال كنت بتعمل إيه
    طيلة العمر اللي فات؟
    دلوقت مافقت؟
    وجايبهم دِلْوكْ تعمل بيهم إيه؟
    على كلٍّ..
    أهي ريحة من ريحتك ع الأرض
    يونسُّوا بعض.
    ماشي يا عبد الرحمان.
    أهو عشنا وطلنا منك بصة وشمة.
    دلوك بس ما فكرت ف يامنة وقلت: يا عمة؟؟
    حبيبي انت يا عبد الرحمان
    والله حبيبي .. وتتحب.
    على قد ماسارقاك الغربة
    لكن ليك قلب.
    مش زي ولاد الكلب
    اللي نسيونا زمان

    حلوة مرتك وعويْلاتك
    والاّ شبهنا..؟
    سميتهم إيه؟
    قالولي : آية ونور.
    ماعارفشي تجيب لك حتة واد؟
    والاّ أقولك :
    يعني اللي جبناهم..
    نفعونا في الدنيا بإيه؟
    غيرشي الانسان مغرور.!!

    ولسه يامنة حاتعيش وحاتلبس
    لمّا جايب لي قطيفة وكستور؟
    كنت اديتهمني فلوس
    اشتري للركبه دهان.
    آ..با..ي ما مجلّع قوي يا عبد الرحمان.

    طب ده انا ليّا ستّ سنين
    مزروعة في ظهر الباب
    لم طلّوا علينا أحبة ولا أغراب.
    خليهم..
    ينفعوا
    أعملهم أكفان.!!

    كرمش وشي
    فاكر يامنة وفاكر الوش؟
    إوعى تصدقها الدنيا..
    غش ف غش.!!
    إذا جاك الموت يا وليدي
    موت على طول.
    اللي اتخطفوا فضلوا أحباب
    صاحيين في القلب
    كإن ماحدش غاب.
    واللي ماتوا حتة حتة
    ونشفوا وهم حيين..
    حتى سلامو عليكم مش بتعدي
    من بره الأعتاب

    أول مايجيك الموت .. افتح.
    أو ماينادي عليك .. إجلح.
    إنت الكسبان.
    إوعى تحسبها حساب.!!
    بلا واد .. بلا بت..
    ده زمن يوم مايصدق .. كداب.!!
    سيبها لهم بالحال والمال وانفد
    إوعى تبص وراك.

    الورث تراب
    وحيطان الأيام طين
    وعيالك بيك مش بيك عايشين..!!

    يو.....ه يا رمان..
    مشوار طولان
    واللي يطوِّله يوم عن يومه يا حبيبي .. حمار
    الدوا عاوزاه لوجيعة الركبة
    مش لطوالة العمر.
    إوعى تصدق ألوانها صفر وحمر.

    مش كنت جميلة يا واد؟
    مش كنت وكنت
    وجَدَعَة تخاف مني الرجال ..؟
    لكن فين شفتوني ..؟
    كنتوا عيال.!!

    بناتي رضية ونجية ماتوا وراحوا
    وأنا اللي قعدت.
    طيِّب يا زمان..!!
    إ
    إوعى تعيش يوم واحد بعد عيالك
    إوعى يا عبد الرحمان.

    في الدنيا أوجاع وهموم أشكال والوان.
    الناس مابتعرفهاش.
    أوعرهم لو حتعيش
    بعد عيالك ماتموت.

    ساعتها بس ..
    حاتعرف إيه هوّه الموت.!!

    أول مايجي لك .. نط

    لسه بتحكي لهم بحرى حكاية
    فاطنة وحراجي القط..؟

    آ.. باي ماكنت شقي وعفريت
    من دون كل الولدات.
    كنت مخالف..
    برّاوي..
    وكنت مخبي في عينيك السحراوي
    تمللي حاجات.

    زي الحداية ..
    تخوي ع الحاجة .. وتطير .
    من صغرك بضوافر واعرة .. ومناقير.
    بس ماكنتش كداب.
    وآديني استنيت في الدنيا
    لما شعرك شاب..!!

    قِدِم البيت.
    اتهدت قبله بيوت وبيوت.
    وأصيل هوه..
    مستنيني لما أموت..!!

    حاتيجي العيد الجاي؟
    واذا جيت
    حاتجيني لجاي؟
    وحتشرب مع يامنة الشاي .؟؟

    حاجي ياعمة وجيت..
    لالقيت يامنة ولا البيت ..!!

    عبد الرحمن الأبنودي



    avatar
    glory13
    عضو ماسى
    عضو ماسى

    تاريخ التسجيل : 13/09/2008
    عدد المساهمات : 291
    العمر : 30
    اوسمه : 11
    الجنس : ذكر

    رد: يامنه.............. رائعه الابنودي

    مُساهمة من طرف glory13 في الخميس أكتوبر 09, 2008 2:37 am

    احسن ما كتب الابنودي
    لو عجبكوا الموضع
    هضيق اشعار ليه ولغيره
    اطلبوا انتوا بس
    avatar
    زهرة الياسمين
    عضو فضى
    عضو فضى

    تاريخ التسجيل : 20/09/2008
    عدد المساهمات : 95
    اوسمه : 4

    رد: يامنه.............. رائعه الابنودي

    مُساهمة من طرف زهرة الياسمين في الخميس أكتوبر 09, 2008 1:35 pm

    مشكوووووووووور جدا على الشعر الحميل ده


    مع ان الكلام فى البدايه صعب

    بس الصراحة الابنودى رائع جدا فى كلماته

    شكرررررررررررا على الشعر مره تانيه ويريت متحرمناش من الشعر الجميل ده



    lol! lol! lol!
    avatar
    وعجلت اليك ربى لترضى
    مستشار المنتدى
    مستشار المنتدى

    تاريخ التسجيل : 05/08/2008
    عدد المساهمات : 677
    العمر : 30
    اوسمه :
    الجنس : ذكر

    رد: يامنه.............. رائعه الابنودي

    مُساهمة من طرف وعجلت اليك ربى لترضى في السبت أكتوبر 11, 2008 2:04 am

    ايه الشغل الجامد ده بس

    مشكووووووور جلورى باشا على القصيدة التحفه دى

    ويريت متحرمناش من قصايدك الجميله
    avatar
    glory13
    عضو ماسى
    عضو ماسى

    تاريخ التسجيل : 13/09/2008
    عدد المساهمات : 291
    العمر : 30
    اوسمه : 11
    الجنس : ذكر

    رد: يامنه.............. رائعه الابنودي

    مُساهمة من طرف glory13 في الثلاثاء أغسطس 25, 2009 4:30 am

    حد عنده حاجه تانيه الابنودي
    يضفها
    avatar
    dr.mohamed kahla
    عضو ماسى
    عضو ماسى

    تاريخ التسجيل : 14/08/2009
    عدد المساهمات : 180
    اوسمه : 11
    الجنس : ذكر

    رد: يامنه.............. رائعه الابنودي

    مُساهمة من طرف dr.mohamed kahla في الثلاثاء أغسطس 25, 2009 5:10 am

    شكرا
    avatar
    مصطفي كامل
    عضو ماسى
    عضو ماسى

    تاريخ التسجيل : 30/06/2009
    عدد المساهمات : 503
    العمر : 34
    الجنس : ذكر

    رد: يامنه.............. رائعه الابنودي

    مُساهمة من طرف مصطفي كامل في الثلاثاء سبتمبر 15, 2009 11:24 am

    شكرا علي كلام الشعر الجميل ده
    كلام زي العسل

      الوقت/التاريخ الآن هو الخميس نوفمبر 23, 2017 1:05 pm